შემცირდა იმ ადამიანების რაოდენობა, რომლებიც 600 ლარამდე ხელფასს იღებენ - PMC-ის კვლევა

2022 წლის მაისში, ადამიანების რაოდენობა, რომლებიც იღებდნენ თვიურ ხელფასს, 2021 წლის შესაბამის პერიოდთან შედარებით, 5%-ით, ხოლო 2020 წლის შესაბამის
პერიოდთან შედარებით, 14.6%-ით არის გაზრდილი.

PMC კვლევითი ცენტრის ინფორმაციით,  2022 წლის მაისში, იმ ადამიანების
რაოდენობა, რომლებიც იღებდნენ 0-დან 600 ლარამდე თვიურ ხელფასს, 24.3%-ს შეადგენდა, რაც 2021 წლის შესაბამის პერიოდთან შედარებით, 5.3 პროცენტული პუნქტით, ხოლო 2020 წლის შესაბამის პერიოდთან შედარებით, 8 პროცენტული პუნქტით შემცირებული მაჩვენებელია.

ამავე პერიოდში, იმ ადამიანების რაოდენობა, რომლებიც იღებდნენ 2 400 ლარზე მეტ თვიურ ხელფასს, 16.7%-ს შეადგენდა, რაც 2021 წლის შესაბამის პერიოდთან შედარებით, 4.3 პროცენტული პუნქტით, ხოლო 2020 წლის შესაბამის პერიოდთან შედარებით, 5.9 პროცენტული პუნქტით გაზრდილი მაჩვენებელია.

2022 წლის მაისში, იმ ადამიანების რაოდენობა, რომლებიც იღებდნენ 9 600 ლარზე მეტ თვიურ ხელფასს, 2021 წლის შესაბამის პერიოდთან შედარებით 42%-ით, ხოლო 2020 წლის შესაბამის პერიოდთან შედარებით 96%-ით არის გაზრდილი. ხოლო, იმ ადამიანების რაოდენობა, რომლებიც 9 600 ლარზე მეტ ხელფასს იღებდნენ, 1.4%-ს შეადგენდა. 

კვლევითი ცენტრის ინფორმაციით, გაზრდილია JOBS.GE-ზე გამოქვეყნებული ვაკანსიების რაოდენობა.