რომელ კატეგორიაში იდება ყველაზე მეტი ვაკანსია JOBS.GE-ზე

2021 წლის დეკემბრიდან 2022 წლის მაისის ჩათვლით დასაქმების პორტალ JOBS.GE-ზე 33 703 ვაკანსია გამოქვეყნდა. 

PMC კვლევითი ცენტრის ინფორმაციით, ეს მაჩვენებელი 2020-2021 წლის შესაბამის პერიოდთან შედარებით, 67%-ით, ხოლო, 2019-2020 წლის ანალოგიურ პერიოდთან შედარებით 101%-ით გაზრდილი მაჩვენებელია. 

2021 წლის დეკემბრიდან 2022 წლის მაისის ჩათვლით, JOBS-ზე გამოქვეყნებული ვაკანსიების საშუალო თვიურმა ზრდის ტემპმა 9.6% შეადგინა.

2021 წლის დეკემბრიდან 2022 წლის მაისის ჩათვლით, 9 635 ვაკანსია გამოქვეყნდა
გაყიდვები/შესყიდვების კატეგორიაში, რაც 2020-2021 წლის შესაბამის პერიოდთან
შედარებით, 91%-ით, ხოლო 2019-2020 წლის შესაბამის პერიოდთან შედარებით, 128%-ით გაზრდილი მაჩვენებელია.

ამავე პერიოდში 7 123 ვაკანსია გამოქვეყნდა ადმინისტრაცია/მენეჯმენტის კატეგორიაში, რაც 2020-2021 წლის შესაბამის პერიოდთან შედარებით, 66%- ით, ხოლო 2019-2020 წლის შესაბამის პერიოდთან შედარებით, 97%-ით გაზრდილი მაჩვენებელია.

2021 წლის დეკემბრიდან 2022 წლის მაისის ჩათვლით, 11 339 ვაკანსია გამოქვეყნდა ტექნიკურ/ლოჯისტიკურ კატეგორიაში, რაც 2020-2021 წლის შესაბამის პერიოდთან შედარებით, 90%- ით, ხოლო 2019-2020 წლის შესაბამის
პერიოდთან შედარებით, 95%-ით გაზრდილი მაჩვენებელია.