"მწვანე პასპორტის” გაუქმება არ ნიშნავს რეგულაციებისა და ვაქცინაციის კამპანიის შესუსტებას"
ჯანდაცვის მინისტრის მოადგილე თამარ გაბუანიას განცხადებით, დღევანდელი მდგომარეობის გათვალისწინებით, გადაწყდა, რომ "მწვანე პასპორტის" სავალდებულო მოთხოვნა მოიხსნას, მაგრამ ეს არ ნიშნავს რეგულაციებისა და ვაქცინაციის კამპანიის შესუსტებას.
"ბევრმა ქვეყანამ მშეცვალა "მწვანე პასპორტის" მოთხოვნები. მაგალითად, სავალდებულო გახადა ბუსტერ დოზა, PCR ტესტირებაზე გააკეთა მეტი აქცენტი. თუმცა იმ ფორმით, როგორც ჩვენ გვაქვს "მწვანე პასპორტი" და ეს არის სამი ძირითადი კრიტერიუმი, რეინფიცირების მაღალი მაჩვენებლის პირობებში, არ ქმნის სრულ გარანტიას.
აღსანიშნავია, რომ როდესაც 1 დეკემბრიდან "მწვანე პასპორტი" ამოქმედდა, ნოემბრის მეორე ნახევარში და შემდეგ დეკემბრის გარკვეული პერიოდის განმავლობაში, ჩვენ ვნახეთ ვაქცინაციის სტიმულირება ორივე ასაკობრივ ჯგუფში: ხანდაზმულებში, რაც წახალისების მექანიზმს უკავშირდება და ახალგაზრდებში, რაც მწვანე პასპორტის ეფექტმა მოიტანა. ეს გადაწყვეტილება ვაქცინაციაზე არ იმოქმედებს და აქტიურად გაგრძელდება იმუნიზაციის პროცესი.' –აცხადებს თამარ გაბუნია.
შეგახსენებთ, რომ დღეს საკოორდინაციო საბჭომ "მწვანე პასპორტის" გაუქმების გადაწყვეტილება მიიღო.
