საზოგადოება
01/02/2022
"მწვანე პასპორტი" უქმდება
"მწვანე პასპორტის" მოთხოვნის ვალდებულება უქმდება. შესაბამისი გადაწყვეტილება საკოორდინაციო საბჭომ მიიღო.
"ინფიცირების მზარდი რაოდენობის მიუხედავად, სიტუაცია მართვადია. "ომიკრონის" სწრაფი გავრცელების და ვირუსის სუსტი მიმდინარეობის , ასევე მსოფლიო პრაქტიკის გათვალისწინებით, საბჭომ მიიღო გადაწყვეტილება, გაუქმდეს "მწვანე პასპორტის" მოთხოვნის ვალდებულება", - განაცხადა უწყებათაშორის საბჭოსთან არსებული საოპერაციო შტაბის უფროსმა გიორგი ღიბრაძემ.
მისი თქმით, აღრიცხვიანობის ყველა სისტემა მოქმედი რჩება და ის პირები, რომლებსაც "მწვანე პასპორტი" საზღვარგარეთ გასამგზავრებლად ესაჭიროებათ, ისევ შეძლებენ ამ მექანიზმით სარგებლობას.
