იაგო ხვიჩია იმპორტიორებისთვის GMP სტანდარტის დაწესებაზე: წამალი გაძვირდება
"გირჩის" წევრის იაგო ხვიჩიას მოსაზრებით, იმპორტიორებისთვის GMP-ის სტანდარტის დაწესება მედიკამენტების ბაზარზე კონკურენციას შეამცირებს და ფასს გაზრდის.
"პრემიერ-მინისტრმა წამლების გაიაფება აქვს დაანონსებული... ამ კანონს ჰყავს კონკრეტული "კრიშები", რომლებიც სინამდვილეში კონკურენტებს იშორებენ ბაზრიდან. ამას, ჩვენი აზრით აუცილებლად მოჰყვება წამლის ფასის გაძვირება და არჩევანის შემცირება ბაზარზე, როგორც სხვა ბევრ პროდუქტებზეა შემცირებული. თუ წამლის გაძვირებას ეს არ ეხება, იქნებ მიზანი მითხრათ, 1 წელიწადში რა იქნება მოგვარებული? ჩვენ ჩვენს წინასწარმეტყველებას ვამბობთ, გაიაფების ნაცვლად გაძვირდება", - განაცხადა იაგო ხვიჩიამ სესიაზე, სადაც "წამლისა და ფარმაცევტული საქმიანობის შესახებ" კანონპროექტს განიხილავენ. საკანონმდებლო ცვლილებას ჯანდაცვის მინისტრის მოადგილე თამარ გაბუნია წარადგენს.
კანონპროექტის თანახმად, ფარმაცევტული პროდუქტების იმპორტიორებისთვის GMP-ის (კარგი საწარმოო პრაქტიკა) სერტიფიკატი სავალდებულო გახდება.
