HICP–ის ინდექსით, HoReCa სექტორში ფასები 15.7%-იან ზრდას აჩვენებს
სამომხმარებლო ფასების ჰარმონიზებული ინდექსის (HICP) მონაცემებით, სასტუმროები, კაფეები და რესტორენები HICP -ის მიხდვით 15.7%-იან ზრდას აჩვენებს.
შეგახსენებთ, რომ "საქსტატმა" დღეიდან ახალი ინდიკატორის (HICP) გამოქვეყნება დაიწყო, რომელიც ქვეყანაში ფასების ცვლილებას ასახავს.
"საქსტატის" განმარტებით, HICP გამოიყენება, ძირითადად, ევროკავშირის წევრი ქვეყნების მიერ და წარმოადგენს ფასების სტაბილურობის უმნიშვნელოვანეს მაჩვენებელს. ის ეფუძნება ერთიან, ჰარმონიზებულ მეთოდოლოგიას და ამდენად, საქართველოს მიერ ამ ინდიკატორის წარმატებით დანერგვას დიდი მნიშვნელობა ენიჭება ევროკავშირის სტანდარტებთან დაახლოების თვალსაზრისით.
სამომხმარებლო ფასების ინდექსისგან (CPI) მას რამდენიმე მეთოდოლოგიური თავისებურება განასხვავებს, ძირითადად, სამომხმარებლო კალათის წონების და გამოყენებული კლასიფიკატორის ნაწილში.
