"ჰერბიამ" სოფლის ევოლუციის მუზეუმის გახსნა გადადო
„ჰერბიას“ ტურისტული კომპლექისა და ეთნოგრაფიული კუთხის გახსნის თარიღი შემოდგომისთვის გადავადდა. კომპანია HoReCa სექტორში შესვლას მიმდინარე წლის ზაფხულიდან გეგმავდა, თუმცა ამ ეტაპზე ტურისტული კომპლექსის გახსნის ზუსტი დრო, უცნობია.
„ეთნოგრაფიულ კუთხეს ვაკეთებთ. აგროტურიზმის, ეკოტიურიზმისა და ღვინის ტურის შესაბამისი ელემენტებით. ლოკალური თემა იქნება, რომელიც საინტერესო გახდება ქართული კულტურის მაძიებლებისთვის.
პროექტის ძირითადი ნაწილი შემოდგომაზე დასრულდება. გახსნის თარიღი უცნობია. სანამ სამუშაოები ბოლოსკენ არ გავა, კონკრეტიკისგან თავს შევიკავებთ. პროექტში საკმაოდ მოცულობითი ინვესტიცია განხორციელდება,“-აღნიშნა ზურაბ ჯანელიძემ.
ჯანელიძის ინფორმაციით, ტურისტული სივრცეში უკვე დასრულებულია სამშენებლო სამუშაოები.
შეგახსენებთ, რომ კომპანია "ჰერბია" ქვეყანაში მწვანილისა და ბოსტნეულის ერთ-ერთი მსხვილი მწარმოებელია.
კომპანიამ აგროტურიტულ საქმიანობას დაწყების შესახებ 2021 წელს განაცხადა, ხოლო "სოფლის ევოლუციის მუზეუმზე" მუშაობა მანამდე, 2 წლით ადრე დაიწყო. მაშინ ითქვა, რომ პროექტის ფარგლებში აგროტურისტული სივრცე წყალტუბოში, 1 ჰა ტერიტორიაზე მოეწყობოდა.
