WizzAir-ი ესპანეთის, გერმანიის, საფრანგეთის და ავსტრიის მიმართულებით ფრენებს აჩერებს
ავიაკომპანია WizzAir-ი დღეიდან სამ აპრილამდე ესპანეთის, გერმანიის, საფრანგეთის და ავსტრიის მიმართულებით ფრენებს აჩერებს. მიზეზი კორონავირუსის პანდემიის გავრცელების პრევენციაა.
კომპანიის ცნობით, მომხმარებლების რომლებსაც ჯავშანი ვიზეარ კომის ან ავიახაზების მობილური აპლიკაციის მეშვეობით ჰქონდათ განხორციელებული საწყისი საფასურის 120% ავტომატურად დაერიცხებათ მომხმარებლის ვიზ- ანგარიშზე, პირობით, რომ აღნიშნული თანხა გამოყენებული იქნება მომავალი 24 თვის განმავლობაში ვიზეარის პროდუქტებისა და სერვისის შესყიდვისთვის.
მგზავრებს, რომლებმაც ჯავშანი ტურ ოპერატორების, მათ შორის ონლაინ ტურ ოპერატორების მეშვეობით განახორციელეს უნდა დაუკავშირდნენ კომპანიას, რომლისგანაც ბილეთები შეიძინეს. ასევე, აქვე გეტყვით, რომ დღეიდან საქართველოსა და რუსეთს შორის მოქალაქეთა გადაადგილება შეჩერდა. გადაწყვეტილება არ გავრცელდება რუსეთის ფედერაციის და საქართველოს იმ მოქალაქეებზე, რომლებიც გამოთქვამენ საკუთარ ქვეყანაში დაბრუნების სურვილს. ასევე, შეზღუდვები არ ვრცელდება სატვირთო გადაზიდვებზე.
