WizzAir: ამ ეტაპზე ნაადრევია ფრენების დაწყების თარიღის დაკონკრეტება

Wizz Air ადასტურებს, რომ საქართველოში ფრენების დაწყებასთან დაკავშირებით საქართველოს სამოქალაქო ავიაციას მიმართა, თუმცა კომპანია ვერ აკონკრეტებს ფრენების დაწყების ზუსტ თარიღს.

კომპანიის ცნობით, Wizz Air-მა განაცხადი საქართველოს სამოქალაქო ავიაციის სააგენტოში ზაფხულის საავიაციო სეზონზე (რომელიც 28 მარტს იწყება) ფრენების  ნებართვებისა და სლოტების მოსაპოვებლად უკვე წარადგინა. 

„ამ ეტაპზე ნაადრევია კომენტარის გაკეთება ფრენების დაწყების თარიღთან დაკავშირებით, რადგან სიტუაცია ძალაინ ცვალებადია და მთავრობები ყველაფერს აკეთებენ COVID-19– ის გავრცელების შესაკავებლად,“ - განმარტავენ კომპანიაში.

Wizz Air განაახლებს ფრენებს საქართველოდან, როგორც კი რეგულაციები და შეზღუდვები ამის შესაძლებლობას მისცემს და ბაზარზე შესაბამისი მოთხოვნა იქნება.

იქვე აცხადებენ, რომ Wizz Air ერთგული რჩება საქართველოსი და ქუთაისის აეროპორტიდან მუშაობის განაახლების და ფრენებს განაახლებს როგორც კი ამის შესაძლებლობა მიეცემა.