ტურიზმი
17/10/2022
თბილისის აეროპორტს ახალი ავიაკომპანია და ავიამიმართულება დაემატა
კიდევ ერთი ახალი ავიაკომპანია თბილისის საერთაშორისო აეროპორტში - Air Moldova-მ თბილისი-კიშინეუს მიმართულებით ფრენები დაიწყო. კიშინეუ-თბილისის პირველი რეისით, რომელიც ავიაკომპანიამ დღეს შეასრულა, 140 მგზავრი ჩამოფრინდა, ხოლო, თბილისიდან კიშინეუში - 133 ადამიანი გაემგზავრა.
აღსანიშნავია, რომ ფრენები კვირაში ორი სიხშირით, ორშაბათს და პარასკევს, Airbus 319 ტიპის საჰაერო ხომალდით განხორციელდება.
ნოემბრიდან, ზამთრის სეზონზე, ავიაკომპანია ფრენების ყოველკვირეული სიხშირის ოთხამდე გაზრდას გეგმავს.
