TBC Capital: 2023 წელს ტურისტებისგან მიღებული შემოსავლები მიგრაციის ეფექტის გარეშეც სრულად აღდგება
TBC Capital-მა თიბისი კაპიტალმა ღონისძიებაზე - "შესაძლებლობები და რისკები დიდი ცვლილებების დროს", განახლებული მაკრო-სექტორული მიმოხილვა წარადგინა, რომელიც სხვა სექტორებთან ერთად ტურიზმის განახლებულ მონაცემებს და მოსალოდნელ პროგნოზებსაც შეეხო.
2022 წელს ტურიზმის ყველა პარამეტრი საგრძნობლად გაუმჯობესდა. თუმცა, 2022 წლისგან განსხვავებით, 2023 წელს ტურისტული შემოსავლების აღდგენა უმეტესწილად ტურისტული ფაქტორების გაუმჯობესებით იქნება განპირობებული და არა მიგრაციით. ასევე, 2023 წელს საერთაშორისო ტურისტებისგან მიღებული შემოსავლები, მიგრაციის ეფექტის გათვალისწინების გარეშეც, სრულად აღდგება.
"მიგრაციამ რამდნეიმე თვის განმავლობაში სწრაფად მოახდინა ეკონომიკაზე გავლენა, მაგრამ ვფიქრობთ, რომ ნაწილი ამ მიგრანტების საშაულო ვადაში დარჩება ქვეყანაში, აქედან გამომდინარე ეს ეკონომიკის ზრდაზე საშაულო ვადაში დადებით ზეგავლენას მოახდენს."- ამის შესახებ თიბისი ბანკის გენერალურმა დირექტორმა ვახტანგ ბუცხრიკიძემ განაცხადა.
ცნობისთვის, 2022 წელს საქართველოს ეკონომიკის ზრდის მოლოდინი 10.6%-ია. 2023 წლის საბაზო სცენარით კი, წინა წლების მაღალი ეკონომიკური აქტივობის გათვალისწინებით, ზრდა 3.9%-ს შეადგენს.
