"შემდეგი კვირიდან ტურისტულ ინდუსტრიას ახალ წესებს გავაცნობთ, რათა გადავინაწილოთ პასუხისმგებლობები"
ეკონომიკის მინისტრის ნათია თურნავას განცხადებით, შემდეგი კვირიდან აქტიირუი შეხვედრები გაიმართება ტუროპერატორებთან, სასტუმროებთან და ტურისტული ინდუსტრიის სხვა წარმომადგენლებთან.
„მათ ახალ წესებს გავაცნობთ, რათა გადავინაწილოთ პასუხისმგებლობები. ვიცი, რომ ისინი ამას გაგებით ეკიდებიან. პირიქით, მონაწილეებიც არიან ამ რეკომენდაციების შემუშავებისას. დავიწყოთ იმაზე ფიქრი, სწრაფად როგორ შემოვიყვანოთ საქართველოში პირველი ჯგუფები, ვისაც ჩვენი ქვეყნის დათვალიერება სურთ. ამასთან, დადებითობის მაჩვენებლის მიხედვით, ვხსნით სხვადასხვა რეგიონს. ამ ეტაპზე ეს არის აჭარა.
ვთვლით, რომ ეს მნიშვნელოვანი წინ გადადგმული ნაბიჯია. იმის გათვალისწინებით, რომ პანდემია ჯერ დამარცხებული არ არის. ჯერ მსოფლიო მესამე ტალღის მოლოდინშია, ჩვენ ყველა მაქსიმალურად ვფრთხილობთ“,- აღნიშნა ნათია თურნავამ.
ინფორმაციისთვის, 1-ელი თებერვლიდან საქართველოში შემოსვლის რეგულაციები მსუბუქდება.
