"რუმსის" ბრენდის სასტუმრო ევროპის ბაზარზე მომავალი წლიდან შევა
„რუმსის“ ბრენდის სასტუმრო ევროპის ბაზარზე მომავალი წლიდან შევა.
როგორც კომპანიის აღმასრულებელმა დირექტორმა ვალერი ჩეხერიამ „ბიზნესპარტნიორთან“განმარტა, ბაზრების მოძიება უკვე დაწყებულია. ამასთან, კომპანია ევროპის ბაზარზე გასვლამდე ლარის ობლიგაციების გამოშვებას გეგმავს.
„პირველ რიგში, ლარის ობლიგაციებს გამოვუშვებთ, რითაც ფინანსებს მოვიძიებთ. ყველაფერი იქნება დამოკიდებული იმაზე, რომ ბონდი სწრაფად ავწიოთ. შემოდგომაზე შევძლებთ ზუსტი მოცულობის გაჟღერებას. ამჟამად ვმუშაობთ „თიბისი კაპიტალთან“ და „გალთ ენდ თაგარტთან“ ერთად.
რაც შეეხება სავარაუდო ბაზრებს, სადაც ვფიქრობთ გავიდეთ,არის ევროპის რამდენიმე მიმართულება. მათ შორის ვუყურებთ საბერძნეთს, ბრიტანეთს, იტალიას. ასე რომ გვინდა გავიდეთ იმ ქვეყანაში, რომლის ბაზარიც ძალიან კარგად გვესმის.“-აღნიშნა ვალერი ჩეხერიამ.
შეგახსენებთ, „რუმს ჰოტელი“ "აჭარა ჯგუფის" ჰოლდინგში შემავალი კომპანიაა, როლის ძირითადი საქმიანობა ქართული ბრენდის Rooms-ის სასტუმროების მართვა და სხვადასხვა მიმართულებით მათი განვითარება წარმოადგენს.
