ნათია თურნავა: 7.7%-იან ეკონომიკურ ზრდაში 30%-იანი ტურიზმის აღდგენაა ნავარაუდევი

ეკონომიკის მინისტრის ნათია თურნავას განცხადებით, 7.7%-იან წლიურ ეკონომიკურ ზრდაში ტურიზმის 30%-იანი აღდგენაა ნავარაუდევი. 

“რა თქმა უნდა ძალიან მნიშვნელოვანია ტურიზმის შეუფერხებელი ფუნქციონირება იმისთვის, რომ ჩვენ ეკონომიკური ზრდა გვქონდეს იმ ნიშნულზე, რასაც ვვარაუდობთ. ტურიზმის აღდგენის საკმაოდ ფრთხილი პროგნოზი გვაქვს. 

ვვარაუდობთ, რომ თუ ვაქცინაციის ის ტემპი იქნება, რასაც მოვითხოვთ და ამისთვის ყველაფერს ვაკეთებთ, ტურიზმი უფრო მეტად აღდგება. თუმცა, ეს მარტო ჩვენს სურვილზე არ არის დამოკიდებული. გლობალურად პანდემია გრძელდება, შეზრუდვები წესდება ასევე სხვადასხვა ქვეყანაში, არა მარტო ჩვენთან, აქედან გამომდინარე ვაქიცნაცია ერთადერთი საშუალებაა იმის, რომ რისკები იყოს მინიმიზებული. ტურიზმი ერთ-ერთი პირველი ინდუსტრიაა, სადაც ჩვენ დავიწყეთ ვაქცინაცია პრიორიტეტულად. ტურისტულ ობიექტებში ვაქცინაციის საკმაოდ მაღალი მაჩვენებელია. ვაქცინაციაა ერთადერთი გზა იმის, რომ ჩვენ შევინარჩუნოთ ნორმალურ დონეზე ზაფხულის სეზონი“,- განაცხადა ნათია თურნავამ.