ტურიზმი
19/07/2021
მარიამ ქვრივიშვილი: აქციების დროს რუსთაველზე მდებარე სასტუმროები ზარალდებიან
ეკონომიკის მინისტრის მოადგილის მარიამ ქვრივიშვილის განცხადებით, აქციების ეპიცენტრი ყოველთვის რუსთაველის გამზირია. შესაბამისად, ყველაზე მეტად ამ ტერიტორიაზე მდებარე სასტუმროები ზარალდებიან ფინანსურად, რადგან ტურისტები სხვა ქუჩაზე მდებარე სასტუმროებში გადადიან.
“არ აქვს მნიშვნელობა, მშვიდობიანი აქცია იქნება, თუ არა მშვიდობიანი. როგორც წესი რუსთაველის გამზირი არის გამოსვლების ეპიცენტრი. ამ ტერიტორიაზე მდებარე სასტუმროებიდან ხდებოდა ტურისტების გადინება სხვა ქუჩაზე მდებარე სასტუმროებში. ამ შემთხვევაში თუ შევეცდებით, რომ პოზიტიური მხარე დავინახოთ - ტურისტი არ ტოვებს ქვეყანას, მაგრამ გადადის სხვა სასტუმროში. საუბარი არ არის ცოტა რაოდენობის ჯავშანზე, რაც ბიზნესისთვის საკმაოდ დიდი ფინანსური დანაკლისია“,- აღნიშნა მარიამ ქვრივიშვილმა.
