ტურიზმი
19/07/2021
ბათუმისა და მესტიის მიმართულებით ფრენების სიხშირე გაიზარდა
თბილისიდან ბათუმის, ნატახტარიდან მესტიის მიმართულებით და პირიქით, ფრენის სიხშირის რაოდენობა გაიზარდა.
საქართველოს აეროპორტების გაერთიანების გადაწყვეტილებით, თბილისი - ბათუმი და პირიქით ფრენები კვირაში ოთხჯერ - ორშაბათი, ოთხშაბათი, პარასკევი, შაბათს შესრულდება.
ნატახტარი-მესტია და პირიქით ფრენები კი, კვირაში 5-ჯერ - ორშაბათი, ოთხშაბათი, ხუთშაბათი, პარასკევი და კვირას შესრულდება.
ეკონომიკის მინისტრის მოადგილის მარიამ ქვრივიშვილის განცხადებით, მოთხოვნა თუ ისევ მაღალი იქნება, სიხშირეების რაოდენობა კიდევ გაიზრდება.
“ჩვენ ღია ვრჩებით კერძო სექტორთან სასაუბროდ. თუ ვნახავთ, რომ გაზრდილი სიხშირეების ფონზე მოთხოვნა ისევ მაღალი იქნება, რაოდენობას ისევ გავზრდით“,- აღნიშნა მარიამ ქვრივიშილმა.
