2023 წლის ბოლომდე ტურიზმის სექტორს განახლებული მარეგულირებელი ჩარჩო ექნება
გზამკვლევი ეკონომიკურ რეფორმებში
2023 წლის ბოლომდე ტურიზმის სექტორს განახლებული მარეგულირებელი ჩარჩო ექნება. როგორც დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი აცხადებს, კანონი პლენარულ სხდომაზე გავა და 2024 წლამდე დამტკიცდება.
„კანონპროექტი უკვე ოთხი წელია, რაც სხვადასხვა ფორმატში განიხილება. მათ შორის იყო არაერთი შეხვედრა სექტორის წარმომადგენლებთან, შესაბამისად, ის გამოწვევები რაც სექტორს შეიძლება ჰქონდეს, მაქსიმალურად გათვალისწინებულია. თუმცა დამატებით თუ რამე იქნება შესაძლებელი და არგუმენტირებული, მზად ვართ განვიხილოთ.“-აღნიშნა დავით სონღულაშვილმა.
მისივე განმარტებით, ახალ კანონპროექტს ტურიზმის სექტორი ახალ საფეხურზე გადაჰყავს.
„სხვადასხვა ჩართულ მხარეს შეიძლება უნდოდეს მათზე უფრო მეტად მორგებული კანონი,თუმცა არის სტანდარტები რასაც ვერ შეცვლი. ეს არის უმნიშვნელოვანესი კანონპროექტი ,რადგან თვისობრივად ახალ საფეხურზე გადაყავს ტურიზმის სექტორი, რაც პირველ რიგში წაადგება ინდუტრიას.“-აღნიშნა სონღულაშვილმა.
მისივე თქმით, კანონის მიხედვით რიგი საკითხები მიღებისთანავე ამოქმედდება, საკითხებისთვის კი, რომელსაც სჭირდება მომზადება, შესაბამისი ვადები გამოიყოფა.
ტურიზმის შესახებ აქამდე არსებული კანონი 1997 წელს არის მუღებული. სექტორის წარმომადგენლები და კანონმდებლები თანხმდებიან, რომ ის დღევანდელობასთან შესაბამისობაში არ არის და შესაბამისად, მისი განახლების აუცილებლობა ბუნებრივია, დღის წესრიგში დგას.
