ტექნოლოგიები
24/08/2022

თიბისის მხარდაჭერით და GeoSTQB-ის ორგანიზებით პროგრამულ ტესტერთა საერთაშორისო დღე აღინიშნება

თიბისის მხარდაჭერით და GeoSTQB-ის ორგანიზებით, საქართველოში მესამედ აღინიშნება პროგრამულ ტესტერთა საერთაშორისო დღე, რომლის ფარგლებშიც 9-10 სექტემბერს, aPeople-ის სათაო ოფისში კონფერენცია გაიმართება.  

ტესტერთა საერთაშორისო დღე მსოფლიოში ყოველწლიურად 9 სექტემბერს აღინიშნება. ღონისძიებას 2020 წლიდან ორგანიზებას უწევს საქართველო პროგრამული ტესტირების საკვალიფიკაციო საბჭოს საქართველოს ოფისი (GeoSTQB). თიბისი მეორე წელია კონფერენციის მხარდამჭერია.

კონფერენცია 9-10 სექტემბერს გაიმართება. კონფერენციაზე მონაწილეობას მიიღებენ  საქართველოსა და ევროპის წამყვანი კომპანიები, დარგის ექსპერტები  და საერთაშორისო სპიკერები. ღონისძიებას 250-მდე სტუმარი დაესწრება, რომლებსაც შესაძლებლობა ექნებათ მოუსმინონ GeoSTQB-ის, თიბისის, ISTQB-ის, EPAM-ის, Exactpro-ს, Perforce Software-ის, Cypress.io-ს, Slido-ს, Smart Academy-ს, Flat Rock Technology-ს, aPeople-ის, Quantori, DevOps საქართველოს, RockIT by NGT-ის, Tulaco-ს, Intranote-ის და HTSolution-ის წამყვან სპიკერებს. მონაწილეები გაეცნობიან პროგრამული უზრუნველყოფის ტესტერთა საბაზრო კვლევის შედეგებს საქართველოში.

ღონისძიების მიმდინარეობისას ცალკე სივრცე იქნება გამოყოფილი პროგრამული უზრუნველყოფის ტრენინგ ცენტრების, დამსაქმებელი ორგანიზაციებისა  და კომპანიებისათვის. კონფერენციის ადგილობრივ და საერთაშორისო მონაწილეებს ერთმანეთის გაცნობის, აზრების გაზიარების და საქმიანი ურთიერთობების დამყარების შესაძლებლობა მიეცემათ.

კონფერენციაზე დასწრებით დაინტერესებულ პირებს ბილეთების შეძენა შეუძლიათ: tkt.ge-ზე.

GeoSTQB არის საქართველოს პროგრამული ტესტირების საკვალიფიკაციო საბჭო -ISTQB-ის ოფიციალური წარმომადგენელი საქართველოში, რომლის მიზანია სხვადასხვა ღონისძიებებითა და სასწავლო პროექტების საშუალებით საქართველოში პროგრამული  ტესტირების მიმართულების განვითარება, ტრენინგ ცენტრების და კურსების აკრედიტაცია და ISTQB ოფიციალური გამოცდის მხარდაჭერა.

თიბისი, როგორც ტექნოლოგიური კომპანია, მხარს უჭერს რიგით მე-3  ტესტირების საერთაშორისო დღეს,  რადგან თიბისისთვის მნიშვნელოვანია საქართველოში ტექ-კომუნის გაძლიერება და ამ მიმართულებით ცოდნისა და გამოცდილების გაზიარება.

ღონისძიებას ასევე მხარს უჭერენ Exactpro, Epam, Softfan, aPeople და UN Women Georgia.

Businesspartner

მთავარი სიახლეები

ბიზნესი

რა კომპანიებში ფლობს წილს ხვიჩა მაქაცარია, რომელმაც “თელასის“ 24.5%-იანი წილი იყიდა
01

09/09/2020
ბიზნესი

"პასკა გემუანი" დიაბეტურ საკონდიტრო ნაწარმს გამოუშვებს
02

30/04/2021
ეკონომიკა

საქართველოსა და კორეას შორის თავისუფალ ვაჭრობაზე მოლაპარაკებები 2024 წლის თებერვალში გაიმართება
03

03/11/2023
მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
04

23/10/2023
სოფლის მეურნეობა

"ქვეყანას ბოსტენეულის წარმოებაში იმპორტის ჩანაცვლების პოტენციალი გააჩნია"
05

03/11/2023
ეკონომიკა

ირაკლი ღარიბაშვილი: 2024 წლის ბიუჯეტში, 5%-იანი ეკონომიკური ზრდა გვაქვს გათვალისწინებული
06

03/11/2023