ონში საკურიერო კომპანია "ონო" შეიქმნა

ონში საკურიერო კომპანია "ონო" შეიქმნა. კომპანია ამ ეტაპზე ონს და მის უახლოეს სოფლებს ემსახურება.

"ონოს" დამფუძნებელი ნიკა გუგეშაშვილის თქმით, საკურიერო კომპანიის შექმნის იდეა ბაზარზე მსგავსი მომსახურების მოთხოვნამ განაპირობა.

"ეს სერვისი პანდემიის დროს მეტად აქტუალური გახდა მობილობის შესამცირებლად. მუშაობა დავიწყეთ 2021 წლის 3 ივნისიდან. მომხმარებელს ჩვენს რაიონში არსებული ყველა იმ ობიექტის სერვისს ვთავაზობთ, რომელსაც მოითხოვენ. როგორც კაფე-ბარებიდან ასევე მარკეტებიდან თუ აფთიაქებიდან. ეტაპობრივად ყველა სოფელს შევთავაზებთ ჩვენ სერვისს.

მოლოდინმა გაამართლა და მოთხოვნაც ყოველდღიურად მზარდია. ამ სიახლეს დადებითი შეფასება მოჰყვა როგორც ხალხისგან, ასევე ობიექტების მეპატრონეებისგან. გადახდა ნაღდი ანგარიშსწორებით ან ონლაინ ბანკით ხდება. მიტანის სერვისის ღირებულება 3-დან 9 ლარამდე მერყეობს," – აღნიშნავს კომპანიის დამფუძნებელი.

საკურიერო მომსახურება 10–ზე მეტ სოფელშია ხელმისაწვდომი, ხოლო ფასები შემდეგნაირადაა განსაზღვრული: ონი – 3 ლ, ღარი, ლაგვანთა, წმენდაური, ჭალა და ლაჩთა – 4 ლ, ნიგვზნარა–5 ლ, ზუდალი და ნაკიეთი –7 ლ, უწერა, სორი – 9 ლარი.

"სამომავლოდ, ამბროლაურის რაიონსაც შევთავაზოთ ჩვენს მომსახურებას. მანამდე კი ონის დანარჩენ სოფლებს მოვიცავთ. ამ ეტაპზე ერთი მანქანა და ერთი მოპედი გვყავს, რომელთა რიცხვიც მალე გაიზრდება," – ამბობს ნიკა გუგეშაშვილი.