კრიპტო გადახდის პლატფორმა CityPay.io GITA-ს გამარჯვებულია - რას გეგმავს სტარტაპი

ბექა ქემერტელიძის სტარტაპი GITA-ს გრანტების პროგრამის გამარჯვებულია. CityPay.io - კრიპტო გადახდის მიღების პლატფორმაა, რომელიც პარტნიორ კომპანიებს საშუალებას აძლევს გადახდები მიიღონ სასურველ ვალუტაში კონვერტაციით.

„დაახლოებით ერთი წლის წინ დავიწყეთ იდეაზე მუშაობა და ამ პერიოდში 100 000 დოლარის ინვესტიცია უკვე განვახორციელეთ პარტნიორ კომპანიასთან ერთად. საქართველოს გარდა რეგისტრირებული ვართ თურქეთში და ახლა ვაპირებთ ესტონეთში შესვლას. პლატფორმის ბეტა ვერსია 3 თვის წინ გაეშვა, ამ ეტაპზე უკვე 50 პარტნიორი კომპანია გვყავს და უახლოეს პერიოდში გადავდივართ სრულყოფილ ვერსიაზე.

GITA-ს თანადაფინანსების პროგრამის ფარგლებში მოვიპოვეთ 100 000 ლარიანი გრანტი, რომლის 90% დაიხარჯება მარკეტინგული ღონისძიებებისთვის, რომ საერთაშორისო ბაზარზე გავიდეთ. მოლაპარაკებები გვაქვს ინვესტორებთან, რომლებიც სწორედ GITA-ს შემდეგ გამოჩდნენ და დაინტერესდნენ ჩვენით,“ – აღნიშნავს ბექა ქემერტელიძე.

მისივე თქმით, იმ გამოცდილებამ, რაც გრანტის მოპოვების პროცესსში მიიღო, რადიკალური ცვლილებებისკენ უბიძგა.

„საგრანტო პროგრამისთვის მზადების პროცესში დავინახეთ ის პრობლემები, რასაც აქამდე ვერ ვხედავდით. ასევე ძალიან ბევრი შესაძლებლობა და პოტენციალი აღმოვაჩინეთ ჩვენი პლატფორმის ირგვლივ. ზუსტად ეს გვჭირდებოდა, იმისთვის რომ გადავდგათ პირველი ნაბიჯები და გავიდეთ გლობალურ ბაზარზე,“ – ამბობს CityPay.io– დამფუძნებელი.