უდაბნო შელინგის" დირექტორი: საწარმოში ძირითადად ადგილობრივები გვყავს დასაქმებული

„საწარმოში ძირითადად ადგილობრივები გვყავს დასაქმებული,“ - ამის შესახებ „აგროპარტნიორთან“ კომპანია „უდაბნო შელინგის“ დირექტორმა, გოდერძი მეტრეველმა განაცხადა.

მისი ინფორმაციით, საწარმოში მუდმივად 150-მდე თანამშრომელია დასაქმებული, თუმცა კომპანია სეზონურად, სამუშაოს ტიპის მიხედვით, 200-დან 500 ადამიანამდე ასაქმებს.

„კომპანია კადრების კვალიფიკაციის ამაღლების საკითხზე პირველივე დღიდან მუშაობს. ჩვენ თავიდანვე გვყავდა უცხოელი სპეციალისტები. მუდმივად ხდება ჩვენთან დასაქმებულების გადამზადება. ჩვენი გადამზადებული კადრი კი, უკვე ლოკალურ მაცხოვრებლებს ცოდნას უზიარებს," -აცხადებს მეტრეველი.

როგორც კომპანიის დირექტორი განმარტავს, ამერიკის საელჩოსთან ერთად პერიოდულად სასწავლო სემინარები ტარდება, სადაც სოფლის მეურნეობის მიმართულებით  სტუდენტებს ცოდნასა და პრაქტიკას უზიარებენ.

ცნობისთვის, „უდაბნო“ საგარეჯოს მუნიციპალიტეტში მდებარე სოფელ უდაბნო მდებარეობს. შექმნის იდეა კი 2016 წლიდან დაიწყო.

ამჟამად, კომპანია  20 000 ჰექტარ მიწას, სასოფლო-სამეურნეო სავარგულებს ფლობს. აქედან, ნუში 2 000 ჰექტარამდეა გაშენებული, დანარჩენი ერთწლოვანი კულტურებია -  სახორბლე და მარცვლეული კულტურები. ამ ტერიტორიაზე ასევე მოწყობილია ნუშის პირველადი და მეორადი გადამმუშავებელი საწარმო, რომელიც რეგიონში ყველაზე დიდი და თანამედროვე ტექნოლოგიებით არის აღჭურვილი.