სოფლის მეურნეობა
06/10/2020
საქართველომ ატმისა და ვაშლატამას ექსპორტიდან ₾21 მლნ-ის შემოსავალი მიიღო
საქართველომ ატმისა და ვაშლატამას ექსპორტიდან ₾21 მლნ-ის შემოსავალი მიიღო, ეს კი 8,8 მლნ ლარით მეტია, ვიდრე 2019 წელს.
სოფლის მეურნეობის სამინისტროს ცნობით, წელს ატმისა და ვაშლატამას განსაკუთრებით მაღალი მოსავლით გამოირჩეოდა, წარმოების ზრდასთან ერთად, გაიზარდა ხარისხიც.
2020 წლის 1 მაისიდან 4 ოქტომბრამდე პერიოდში, სულ საქართველოდან საექსპორტო ბაზრებზე 25.3 ათასი ტონა ატამი და ვაშლატამა გავიდა, ერთ წლიან პერიოდში ექსპორტის მაჩვენებელი გაორმაგებულია.
ატმისა და ვაშლატამა გაიყიდა რუსეთში - 16 769 ტონა, სომხეთში - 7 510 ტონა, აზერბაიჯანში - 567 ტონა. გარდა ამისა, ექსპორტი განხორციელდა ყაზახეთში, უკრაინაში, პოლონეთში, მოლდოვაში, სლოვენიაში, სინგაპურსა და ყატარში.
