სოფლის მეურნეობა
21/09/2020

პანდემიის გამო "ალპურმა ოქრომ“ შვეიცარიული ყველის წარმოება შეაჩერა

შვეიცარიული ყველის მწარმოებელმა კომპანიამ „ალპური ოქრო“ პანდემიის გამო ყველის წარმოება შეაჩერა.

"ალპური ოქროს" თადამფუძნებლის ზურა მაჭავარაშვილის თქმით, კომპანიის შვეიცარიელი თანადამფუძნებელი და ტექნოლოგები, საზღვრების ჩაკეტვის გამო, საქართველოში ვერ ჩამოვიდნენ. გარდა ამისა, ყველის წარმოების პერიოდს დაემთხვა კარანტინი.   

„სირთულეების მიუხედავად, ფერმერების დასახმარებლად შევაგროეთ გარკვეული თანხა, შემოწირულობები და ფერმერებს თითო ძროხისთვის 300 ლარით დავეხმარეთ. ვთანამშრომლობთ მხოლოდ იმ ფერმერებთან, რომელებიც აკმაყოფილებენ სტანდარტებს და მაღალი ხარისხის რძეს აწარმოებენ. ასევე, ყოველდღიურად ლაბორატორიულად მოწმდება და კონტროლდება ნედლეულის ხარისხი,“ – ამბობს ზურა მაჭარაშვილი.

„ალპური ოქროს“ წარმომადგენლის თქმით, ახალი სახეობების დამატება ამ ეტაპზე არ იგეგმება, თუმცა არსებობს გარკვეული პროექტები წარმადობის გაზრდასთან დაკავშირებით. 

„ადიგენში გვაქვს საწარმო. გარკვეულ დროის განმავლობაში ყველი მთაში ინახება და შემდეგ მოგვაქვს თბილისის ყველის საცავში. შვეიცარიიდან ჩამოვიტანეთ სპეციალიზირებული დანადგარებით და ავზებით აღჭურვილი ვაგონი. დღეში ვაწარმოებთ 300 ლიტრ რძეს. თუმცა, დამოკიდებული ვართ სეზონსა და ძროხების რაოდენობაზე. ყველის რეალიზაციას ყველის მაღაზიებში, რესტორნებში, სასტუმროებსა და ტურისტულ ობიექტებში ვახდენთ. რაც შეეხება ექსპორტს, ამ ეტაპზე არ ვგეგმავთ, თუმცა წარმადობის გაზრდის შემდეგ შესაძლებელია,“ – აღნიშნავს კომპანიის თანადამფუძნებელი.

შეგახსნებთ, რომ "ალპური ოქრო" შვეიცარიული ტექნოლოგიით ადიგენში, ზღვის დონიდან 2200 მეტრზე ყველს 2016 წლიდან აწარმოებს. 

Businesspartner

მთავარი სიახლეები

ბიზნესი

"2024 წლიდან 1 უნცია ოქროს ფასი, შესაძლოა, $1800-მდე შემცირდეს"
01

18/07/2023
ბიზნესი

კალმახი თუ შავი ზღვის ორაგული - მარკეტინგული ხრიკები თევზის ბაზარზე
02

18/05/2022
ბიზნესი

ფიზიკური პირებისთვის უძრავი ქონების გაყიდვის შემთხვევაში, გადასახადის გადახდის დრო დაჩქარდება
03

19/05/2023
ბიზნესი

Lafreeo– ქართული ბრენდი, რომელიც ტიხრული მინანქრის ტრადიციას აგრძელებს
04

25/07/2022
ბიზნესი

"ის, რაც სხვისთვის "ნაგავია" ჩემთვის მთავარი ნედლეულია" - ნარჩენებით შექმნილი პროდუქციის ისტორია
05

04/07/2022
ბიზნესი

ექსპორტიორები ქუთაისის საერთაშორიო აეროპორტში სატვირთო  ტერმინალის ამოქმედების საჭიროებაზე საუბრობენ
06

02/11/2023