გიორგი სვანიძე: მიწების შეძენით დაინტერესებული ვართ, აუქციონებში აქტიურად მივიღებთ მონაწილეობას

„მე უკვე დავავალება მივეცი ჩვენს მენეჯმენტს, რომ შეარჩიონ ის ტერიტორიები რომლებიც ჩვენთვის მისაღებია,“ - ასე გამოეხმაურა ბიზნესმენი, ქართული ზეთისხილის“ დამფუძნებელი ბიზნესისთვის საინვესტიციო პროექტების შეთავაზებას.

გიორგი სვანიძის განმარტებით, კომპანია ძირითადად კახეთში არსებული მიწების შესყიდვით იქნება დაინტერესებული.

„ჩვენ ძირითადად აგროსექტორში ვართ ჩართული. ამიტომ ძალიან აქტიურად მივიღებთ მონაწილეობას აუქციონში. ძირითადად კახეთის მიწებით ვართ დაინტერესებული. ვფიქრობ, ნამდვილად გამოიძებნება პროექტის ფარგლებში ის მიწა რომელიც ჩვენთვის მისაღები იქნება,“ - განაცხადა გიორგი სვანიძემ.

შეგახსენებთ, რომ ეკონომიკისა და მდგრადი განვითარების მინისტრმა ნათია თურნავამ გაფართოებული პროგრამა „100 საინვესტიციო შეთავაზება ბიზნესის“ პრეზენტაციას წარადგინა.

უკვე ცნობილია, რომ პროგრამის ფარგლებში აუქციონზე დაახლოებით 400 მლნ ლარის ქონება გამოვა, მათ შორის სახელმწიფო 50-მდე სასოფლო-სამეურნეო ნაკვეთი გაიყიდება.

აუქციონზე კვლავინდებურად გამოვა წყნეთის ე.წ. სამთავრობო აგარაკები.

ამავდროულად აუქციონზე გაიყიდება 10 სახელმწიფო საწარმო, რომელთა ჯამური ღირებულება 7.470 მლნ ლარს აღემატება.