ფერმერები თხილის რეალიზაციიდან წელს ₾400-450 მლნ-ის შემოსავალს ელიან

ფერმერები წელს 60 000 ტონა თხილის მოსავლის აღებას ვარაუდობენ.

მოსავლის 95% ექსპორტზე გადის, გაზრდილი ფასის გათვალისწინებით კი 400-450 მილიონი ლარის შემოსავლის მიღებაა დაგეგმილი.

„არის იმის ამბიცია, რომ 60 000 ტონაზე არ შევჩერდეთ. უნდა გავიზარდოთ და მივიღოთ 100 000 ტონა და მეტიც. 100-120 ათასი ტონის პოტენციალი გვაქვს.

თუ დღევანდელ რეალობას შევადარებთ წინა წლებს, შესაძლებელია, ექსპორტიდან მიღებული შემოსვალებით 400 მილიონ ლარს გავცდეთ. თუ ფერმერების აბსოლუტური უმრავლესობა სერიოზულად მოეკიდება ამ საქმიანობას, თავისუფლად შეგვიძლია, რომ დაახლოებით 3 წელიწადში ექსპორტიდან 1 მილიარდ ლარამდე შემოსავალი მივიღოთ“,- აღნიშნა თოდუამ.