ზონალური პარკირების სისტემა პეკინის გამზირზეც ამოქმედდება
ზონალურ-საათობრივი პარკირების სისტემა 10 სექტემბრიდან პეკინის გამზირზეც ამოქმედდება.
მოსახლეობის ინფორმირების მიზნით, პეკინის გამზირზე და მის მიმდებარე ტერიტორიაზე საინფორმაციო პავილიონები განთავსდება.
ადგილობრივი მოსახლეობას სისტემაში დარეგისტრირება მოუწევს კონკრეტული საპარკინგე ადგილებით უფასოდ სარგებლობისთვის. პარკინგი ასევე, უფასო იქნება შშმ პირთათვის და ელექტრომობილების მფლობელებისთვის.
დანარჩენ შემთხვევებში, პარკინგი ერთი საათის განმავლობაში ერთი ლარი ეღირება.
კახა კალაძემ ქალაქის მთავრობის სხდომაზე საზოგადოებრივი ტრანსპორტის მოწესრიგების მნიშნელობაზე ისაუბრა.
"ჩვენი სატრანსპორტო პოლიტიკის ნაწილია ზონალურ-საათობრივი პარკირების სისტემის დანერგვა. ამ მიმართულებით, საპილოტე პროექტები უკვე განხორციელებულია კოტე აფხაზის ქუჩასა და ორბელიანის მოედნის მიმდებარე ტერიტორიაზე, სადაც პარკირების სისტემა დაინერგა“, - განაცხადა კახა კალაძემ.
