ვახტანგ მეგრელიშვილი ციხე-სიმაგრეების პრივატიზების იდეით გამოდის
ოპოზიციონერი დეპუტატი ვახტანგ მეგრელიშვილი ციხე-სიმაგრეების პრივატიზების იდეით გამოდის.
“ციხე-სიმაგრეები, რომელიც მთელ საქართველოში ინგრევა და კაციშვილი პატრონი არ ჰყავს, არსებობენ ადამიანები, რომლებისთვისაც შეიძლება ყოფილიყო ცხოვრების სიამოვნება ამ ქონების მიხედვა და გაცოცხლება, ისევე როგორც ნებისმიერი იმ სიმდიდრის, რომელიც ჩვენ გაგვაჩნია“,- განაცხადა ვახტანგ მეგრელიშვილმა პლენარულ სხდომაზე გამოსვლისას.
დეპუტატმა საპრივატიზებო ობიექტების არეალის გაფართოების აუცილებლობაზე საუბრისას განაცხადა, რომ საქართველოს მოქალაქებმა უნდა იცოდნენ, რომ სინამდვილეში ისინი არიან ძალიან მდიდრები.
მისი თქმით, საქართველოს მოქალაქეები ისეთი ქონების მესაკუთრეები უნდა გახდნენ, რასაც ამ ეტაპზე საბჭოთა კავშირის აზროვნების გავლენით ვერ წარმოიდგენენ.
“რისი საკუთრება გვაქვს აკრძალული - სია საკმაოდ გრძელია და რამდენიმეს გეტყვით, ჩვენ აკრძალული გვაქვს წიაღისეულის პრივატიზაცია, ანუ ჩვენი მოქალაქეები ვერასოდეს ვერ იქნებიან საქართველოში არსებული სიმდიდრის მესაკუთრეები, ვერ იქნებიან ტყის მესაკუთრეები, წყლის, გზის, პროკურატურის და შსს-ს ქონებების და ა.შ.“,- განაცხადა ვახტანგ მეგრელიშვილმა.
