თურნავა ზამთრის კურორტებზე სასტუმროების გახსნას განიხილავს - საბაგიროების ამუშავება არ იგეგმება
ეკონომიკის მინისტრობის კანდიდატი ნათია თურნავა ზამთრის კურორტებზე სასტუმროების გახსნას განიხილავს. თუმცა, საბაგიროების ამუშავება არ იგეგმება.
„ყველაზე მტკივნეული საკითხი ზამთრის კურორტებია. ბუნებრივი დედლაინებიც არსებობს, იწურება ზამთრის კურორტების გახსნის შესაძლებლობა და პერიოდი.
ჩემი აზრით ჩვენ კვლავაც შეიძლება მივუბრუნდეთ და განვიხილოთ მხოლოდ სასტუმროების გახნის ნაწილი, თუნდაც საბაგიროების გახსნის გარეშე. თუ კი ეს მოხდება ყველა ეპიდემიოლოგიური ნორმის დაცვით. ვფიქრობ, ეს რაციონალს მოკლებული არ არის და ერთ-ერთი რასაც დავაყენებ განსახილველ საკითხად, ალბათ ჩვენს კოლეგებთან ერთად, ჯანდაცვის სამინისტროსთან ერთად, რამდენად შეგვიძლია ახლა ეს დარჩენილი ერთი თვე მაინც გამოვაყნებინოთ სასტუმროებს, რა თქმა უნდა ძალიან მკაცრი კონტროლით“,- განაცხადა ნათია თურნავამ.
