წელს იუსტიციის სახლის 4 ახალი ფილიალი ამოქმედდება
რეგიონებში იუსტიციის ახალი სახლების მშენებლობა და განახლება მიმდინარეობს. როგორც იუსტიციის სახლის თავმჯდომარე ლაშა ლობჟანიძემ გადაცემა „ბიზნესპარტნიორთან“ განაცხადა, რამდენიმე დღეში ახალი მობილური იუსტიციის სახლი უკვე სამცხე-ჯავახეთის რეგიონშიც ამოქმედდება.
„იუსტიციის სახლების მშენებლობა მიმდინარეობს ზესტაფონში, ხაშურში, სამტრედიაში. ახლდება არსებული სახლები ახმეტასა და თერჯოლაში. დაგეგმილია არსებული სახლების განახლება მცხეთასა და საგარეჯოშიც,“-აცხადებს ლობჟანიძე.
მისი განცხადებით, სერვისების ხელმისაწვდომობის ნაწილში, როგორც მიმდინარე, ასევე მომდევნო წელს საკმაოდ დიდი ნაბიჯები იგეგმება. როგორც ლობჟანიძე განმარტავს, პრიორიტეტია უკვე არსებული სერვისები ხელმისაწვდომობა.
შეგახსენებთ, რომ საქართველოში ამ დროისთვის სულ 28 იუსტიციის სახლი ფუნქციონირებს.
