საზოგადოება
05/08/2022
წაღვერი-ტიმოთესუბანი-ტაძარის საავტომობილო გზის რეაბილიტაცია სექტემბერში დასრულდება
წაღვერი-ტიმოთესუბანი-ტაძარის საავტომობილო გზის 2 კმ-იანი მონაკვეთის რეაბილიტაცია სექტემბერში დასრულდება.
საავტომობილო გზების დეპარტმანეტის ინფორმაციით, სამუშაოები ამ დროისთვის აქტიურად მიმდინარეობს.
სარეაბილიტაციო მონაკვეთი ბორჯომის მუნიციპალიტეტის ტერიტორიაზე, წაღვერის თემში მდებარეობს.
პროექტით გათვალისწინებულია საგზაო სამოსის რეაბილიტაცია, კიუვეტების, არსებული ხელოვნური ნაგებობების შეკეთება და ახლების მოწყობა, გზის სავალი ნაწილის გაგანიერება, ადგილობრივ გზებთან მიერთებებისა და მოსახლეობის ეზოში შესასვლელების მოწყობა.
უწყების ინფორმაციით, განახლებული გზა უზრუნველყოფს კურორტ წაღვერიდან სოფელ ტიმოთესუბნამდე კომფორტულ მგზავრობას, გაუმჯობესდება ადგილობრივი მოსახლეობის საყოფაცხოვრებო პირობები.
პროექტი სახელმწიფო ბიუჯეტიდან 1.8 მლნ. ლარით ფინანსდება.
