თენგიზ ცერცვაძე: მოსახლეობის 30%-ის აცრის შემდეგ, შეზღუდვები ალბათ მოიხსნება

თბილისის ინფექციური საავადმყოფოს ხელმძღვანელის თენგიზ ცერცვაძის განცხადებით, ქვეყანაში მოსახლეობის 30%-ის აცრის და პირბადის გამოყენების მაჩვენებლის 90%-95%-მდე ასვლის შემთხვევაში ყველანაირი შეზღუდვის მოხსნაზე იქნება საუბარი.

“ვაქცინაციის მასობრიობით ისრაელის მაგალითს თუ გავიმეორებთ, ისევე გავიმეორებთ მისი შეზღუდვების შემცირებასაც. ახლა მოსახლეობის 2% გვყავს აცრილი, რაც შეზღუდვებს ვერ შეამცირებს. როდესაც 30%-ზე მაინც ავალთ და პირბადეების გამოყენება 90%-95% იქნება, ყველანაირი შეზღუდვა ალბათ მოიხსნება. ყველაზე ბოლოს კომენდანტის საათი დარჩება და ისიც შემსუბუქდება.

ისრაელზე რომ წერენ ასეთი უნდა იყოს ქვეყანა და მთავრობა, მთავრობა კი არა, ხალხი უნდა იყოს ასეთი, შეგნება უნდა ასეთი“,- აღნიშნა თენგიზ ცერცვაძემ.