საზოგადოება
16/09/2021
თბილისში 200 ჰექტარი ტყე გაშენდება
გარემოს დაცვის პოლიტიკის პრეზენტაციაზე თბილისის მერის მოადგილე ანდრია ბასილაიამ განაცხადა, რომ სხვადახხვა პრობლემურ ფერდობებზე გაშენდება ტყე, რომელიც ჯამში 200 ჰექტარ ფართობს გულისხმობს.
“ტყე გაშენდება თბილისის ზღვის, მახათას, ნუცუბიძის, ჯოქიას და სხვა ფერდებზე, ისევე როგორც მიმდინარეობს მთაწმინდის ფერდის გამწვანება.
ასევე ძალიან აქტიურად ვიყენებთ ურბანულ სივრცეებს, გზა გამყოფებს და ვცდილობთ მათ გამწვანებას. უბნების მიხედვით, საერთო სარგებლობის გამწვანებული ტერიტორიებსა და ღია სივრცეებში დაირგვება 300 000 მწვანე ნარგავი. ჩვენი მიზანია არცერთი ეზო არ იყოს სკვერის გარეშე, სწორედ ამიტომ 1000 სკვერის მოწყობაა დაგეგმილი.”-აღნიშნავს, ანდრია ბასილაია.
