თამარ გაბუნია: სასკოლო ბანაკები მაქსიმალურად უნდა შევზღუდოთ
ჯანდაცვის მინისტრის მოადგილის თამარ გაბუნიას განცხადებით, ქვეყანაში კორონავირუსის გავრცელებას, რეგულაციების მოხსნის ფონზე, მაღალმა აქტივობებმა შეუწყო ხელი, როგორიცაა აქციები, ორგანიზებული სახის კონფერენციები, ბავშვთა ბანაკები, სპორტული და მსგავსი ტიპის ღონისძიებები.
“კორონავირუსის 1500-ზე მეტი შემთხვევა საკმაოდ კრიტიკული ზღვარია იმისთვის, რომ ჩვენ ასე სრულიად თავისუფალი რეჟიმით გავაგრძელოთ უკვე სოციალური აქტივობები. ამდენად საკოორდინაციო საბჭო დაელოდება და დააკვირდება რამდენიმე დღის განმავლობაში ეპიდვითარებას. დღეს მთავარია ვაქცინაციის სწრაფი ტემპი. ვაქცინა არის ქვეყანაში, სამედიცინო სექტორის სრული მზაობაა. ვაქცინა, პირბადე და სოციალური დისტანცირება - ეს არის ჩვენთვის მთავარი გამოსავალი.
რა თქმა უნდა არააუცილებელი ღონისძიებები, როგორიცაა სკოლების ბანაკი და ასეთი ტიპის ღონისძიებები, მაქსიმალურად უნდა შევზღუდოთ, და ვაკონტროლოთ დამსწრეთა რაოდენობა“,- აღნიშნა თამარ გაბუნიამ.
