თამარ გაბუნია: Pfizer-ის ვაქცინას უახლოეს დღეებში ველოდებით
ჯანდაცვის მინისტრის მოადგილის თამარ გაბუნიას განცხადებით, საქართველო Pfizer-ის ვაქცინას უახლოეს დღეებში მიიღებს, თუმცა მას კონკრეტული თარიღი არ დაუსახელებია.
მისი თქმით, ქვეყანაში ეპიდსიტუაცია უარესდება და ახლა გადამწყვეტია ვაქცინაციის პროგრამაში აქტიური ჩართულობა. ამ ეტაპზე მოსახლეობისთვის ხელმისაწვდომია Sinovac-ის, Sinopharm-ის და AstraZeneca-ს ვაქცინები.
“უახლოეს დღეებში მოსახლეობას ექნება საშუალება, Pfizer-ით ჩაიტაროს ვაქცინაცია, თუ კი მისთვის ეს არჩევანი უპირატესია. მაგრამ დღეს არსებული ყველა ის ვაქცინა, რომელიც გვაქვს -Sinovac, Sinopharm და AstraZeneca, არის დადასტურებული ეფექტურობის. ახლა თითოეული დღის დაკარგვა ნამდვილად კირიტიკულია, შემთხვევების რაოდენობა იმატებს. მინდა მოსახლეობას მოვუწოდო აქტიური ჩართულობისთვის, ვაქცინაციის პროგრამაში, რაც მიმდინარეობს ქვეყნის მასშტაბით და კიდევ უფრო გაფართოვდება მომდევნო დღეებში“,- აღნიშნა თამარ გაბუნიამ.
