თამარ გაბუნია: ორჯერ ვაქცინირებულებში ვირუსის დადასტურება დაბალია, ლეტალობა არ ყოფილა

ჯანდაცვის მინისტრის მოადგილის თამარ გაბუნიას განცხადებით, ქვეყანაში ეპიდსიტუაცია უარესდება. ინფექცია ვრცელდება ბავშვებში. ამ ეტაპზე ქვეყანაში დელტა შტამის ლაბორატორიულად 72 შემთხვევაა დადასტურებული. არის რისკები, რომ ბავშვებში კორონავირუსის შემთხვევები მოიმატებს. 

მისი თქმით, გამოსავალია ვაქცინა. 

რაც შეეხება ინფიცირებულების რაოდენობას ორჯერ ვაქცინირებულებში, მინისტრის მოადგილის ინფორმაციით, ეს არის 0.3%. აქედან არცერთი გარდაცვალების შემთხვევა არ დაფიქსირებულა. 

თამარ გაბუნია კიდევ ერთხელ განმარტავს, რომ არცერთი ვაქცინა ინფექციისგან 100%-ით არ იცავს. თუმცა, ინფიცირების შემთხვევაში ვირუსს მსუბუქი მიმდინარეობა აქვს და ადამიანებს ლეტალური შემთხვევებისგან იცავს. 

“ორჯერ ვაქცინირებულებში ინფექციის განვითარების დაბალი მაჩვენებელია. არცერთი გარდაცვალების შემთხვევა არ დაფიქსირებულა. ბოლო პერიოდში ისმის შეკითხვები იმასთან დაკავშირებით, რა აზრი აქვს აცრას, თუ ადამიანი მაინც დაინფიცირდება. ყველამ ვიცით ინფექციისგან არცერთი ვაქცინა არ გვიცავს, ინფიცირება შესაძლოა დაგდეს, მაგრამ დადგება იშვიათ შემთხვევაში, თუმცა შემთხვევები იქნება მსუბუქი და არ დადგება ლეტალობა, ეს არის ყველაზე დიდი დაცვა“,- აცხადებს თამარ გაბუნია.