საზოგადოება
15/02/2021
თამარ გაბუნია: კოვიდმედიკამენტის ეფექტურობაზე საუბარი ნაადრევია
ჯანდაცვის მინისტრის მოადგილის თამარ გაბუნიას განცხადებით, ამ ეტაპზე კორონავირუსის საწინააღმდეგო მედიკამენტის ეფექტურობაზე საუბარი ნაადრევია.
მისი თქმით, მედიკამენტმა ჯერ პირველი ფაზის კვლევა გაიარა.
„ჯერჯერობით ცოტა ადრეა მედიკამენტის ეფექტურობაზე საუბარი. პირველი ფაზის კვლევა გაიარა და ძალიან მცირე იყო ის ჯგუფი, სადაც ეს მედიკამენტი არის გამოცდილი. რა თქმა უნდა ვიცით, რომ მედიკამენტს მეტი გზა სჭირდება, ვიდრე რეალურად შესაძლებელი იქნება მისი გამოყენება კლინიკურ პრაქტიკაში, ამიტომ, ამ ეტაპე რეალურია ვაქცინა. სხვა ყველაფერი არის გამოცდის და მოლოდინის პერსპექტივაში“,- აღნიშნა თამარ გაბუნიამ.
მინისტრის მოადგილის ინფორმაციით, საქართველოში ვაქცინაცია თებერვლის ბოლოს დაიწყება.
