თამარ გაბუნია: "კოვაქსის" პლატფორმაში 1,5 მლნ დოზა ვაქცინა შევუკვეთეთ

ჯანდაცვის მინისტრის მოადგილის თამარ გაბუნიას განცხადებით, „კოვაქსის“ ფორმატში საქართველოს კორონავირუსის საწინააღმდეგო მილიონ ნახევარი დოზა ვაქცინა აქვს შეკვეთილი, თუმცა მისი ერთბაშად მოწოდება არ მოხდება.

„კოვაქსის“ პლატფორმაში შეკვეთილი გვაქვს მოსახლეობის 20%-ისათვის , ეს არის მილიონ ნახევარი დოზა, თუმცა ამ დოზის ერთბაშად მოწოდება არ მოხდება, მოხდება ეტაპობრივად, დავუშვათ 50 000 დოზა პირველ ეტაპზე, შემდეგ მოვა დანარჩენი იქამდე, ვიდრე სრულიად არ ამოიწურება 20%. რაც შეეხება საწყის შემოტანას Pfizer-ისვაქცინასთან მიმართებაში, აქ არის უფრო შეზღუდულ ჯგუფზე საუბარი. ვვარაუდობთ, დაახლოებით 20 000 დოზა ვაქცინას 10 000 სამიზნე ჯგუფისთვის, რაც იქნება ჯანდაცვის პროფესიონალები“,- აღნიშნა თამარ გაბუნიამ.

მისი თქმით, მოსახლეობის ვაქცინაცია თებერვალში დაიწყება.