თამარ გაბუნია: ჯანდაცვის სექტორი "ომიკრონის" ზეწოლას უძლებს, პროცესი სრულად მართვადია
ჯანდაცვის მინისტრის მოადგილე აცხადებს, რომ, "ომიკრონი" უფრო მსუბუქია, ვიდრე კორონავირუსის წინა შტამები, მაგრამ აქაც მნიშვნელოვანია სიფრთხილე და ომიკრონის დროს დიდი ყურადღებაა საჭირო თუ ადამიანი არ არის ვაქცინირებული, აქვს თანმხლები დაავადებები ან ხანდაზმულია.
თამარ გაბუნიას თქმით, დღეს ჯანდაცვის სექტორი "ომიკრონის" ზეწოლას უძლებს, როგორც ჰოსპიტალურ ნაწილში, ასევე პირველადი ჯანდაცვის ნაწილში.
"უამრავი ადამიანია დღეს ინფიცირებული, რომლებიც ბიანზე მკურნალობენ და ოჯახის ექიმის ზარს ელოდებიან. ოჯახის ექიმები მაქსიმალურად არიან ჩართულები, იღებენ ამ ზარებს და ასევე ცდილობენ ზედამხედველობა უფრო აქტიური იყოს ხანდაზმულ და ქრონიკული დაავადებების მქონე ან მცირე ასაკობრივი ჯგუფის პირებში. პროორიტეტული, ამგვარი ზეწოლის პირობებში, სწორედ ასეთი ოჯახები არიან. დღესდღეობით პროცესი სრულად მართვადია" - აღნიშნავს ჯანდაცვის მინისტრის მოადგილე.
შეგახსენებთ, რომ დღეს საქართველოში კორონავირუსის 24 201 ახალი შემთხვევა გამოვლინდა.
