საზოგადოება
24/02/2021
თამარ გაბუნია: იმედია, მარტის დასაწყისში Pfizer-ის ვაქცინას მივიღებთ
ჯანდაცვის მინისტრის მოადგილე თამარ გაბუნია იმედს გამოთქვამს, რომ საქართველო კორონავირუსის საწინააღმდეგო Pfizer ვაქცინას მარტის პირველ ორ კვირაში მიიღებს.
„ამ კვირაში ჩვენ მივიღეთ დამატებითი პირობები Pfizer-ის ვაქცინის მიღებასთან დაკავშირებით. კვირის ბოლომდე კიდევ ერთი კონსულტაცია იქნება covax-ის, Pfizer-ოს და საქართველოს მხარის მონაწილეობით. ყველა დეტალი დაზუსტდება და გვეცოდინება ზუსტად შეპირებულ 29 250 დოზას როდის მივიღებთ. ამ დოზებს ველოდებოდით თებერვლის ბოლომდე, თუმცა Pfizer-ის მიერ დაყენებული დამატებითი მოთხოვნების გამო მთლიანად ყველა იმ ქვეყანაში, რომელსაც ეს დოზები უნდა მიეღო, გადავადება გამოვიდა. იმედი გვაქვს მარტის პირველ ორ კვირაში მივიღებთ Pfizer-ს ვაქცინებს“,- აღნიშნა თამარ გაბუნიამ.
