სოციალური ღონისძიების გასამართად ფართის გადაცემა აიკრძალა
სოციალური ღონისძიების გამართვის მიზნით ფართის გადაცემა აიკრძალა.
კერძოდ, უწყებათაშორის საკოორდინაცო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, ირკძალება ფართის გადაცემა-დათმობა, სასყიდლით ან უსასყიდლოდ, ისეთი სოციალური ღონისძიების გამართვის მიზნით, როგორიცაა ქორწილი, იუბილე, ქელეხი და სხვა.
“ფართის მფლობელი ვალდებულია, მიიღოს ყველა გონივრული ზომა, მათ შორის ხელშეკრულებით კონკრეტული შეზღუდვის დაწესების გზით, რათა თავიდან იყოს აცილებული ფართის გამოყენება დადგენილებით აკრძალული მიზნებისთვის. ამასთან, ფართის მესაკუთრე ვალდებულია, დარღვების შესახებ ინფორმაცია აცნობოს შესაბამის სამსახურებს“,- აღნიშნა გიორგი ღიბრაძემ.
მისი თქმით, ქვეყანაში შეზღუდულია 10-ზე მეტი ფიზიკური პირის ისეთი თავშეყრა, რომელიც დაკავშირებულია საზოგადოებაში დამკვიდრებულ სოციალურ ღონისძიებებთან, როგორიცაა მათ შორის ქორწილი, ნებისმიერი იუბილე, ქელეხი და ა.შ.
გიორგი ღიბრაძის განცხადებით, დარღვევის შემთხვევაში კანონით დადგენილი ჯარიმა იმოქმედებს - ფიზიკური შემთხვევაში 2000 ლარი, იურიდიული პირის შემთხვევაში კი, 10 000 ლარი.
