საზოგადოება
17/08/2020
სოფელ გეგუთსა და წყალტუბოში 240 ბავშვზე გათვლილი სკოლები შენდება
სოფელ გეგუთსა და წყალტუბოში 240 ბავშვზე გათვლილი სკოლები შენდება. ინფორმაციას საქართველოს რეგიონული განვითარებისა და ინფრასტრუქტურის სამინისტრო ავრცელებს.
სამშენებლო სამუშაოები 2019 წელს დაიწყო და 2021 წლისთვის დასრულდება.პროექტს ინფრასტრუქტურის სამინისტროს მუნიციპალური განვითარების ფონდი ახორციელებს.
ფონდი საგანმანათლებლო ინფრასტრუქტურის მშენებლობისა და რეაბილიტაციის პროგრამის ფარგლებში, აშენებს 66 სკოლას და რეაბილიტაციისა და ენერგო-ეფექტური კომპონენტის გაძლიერების სამუშაოებს ახორციელებს 100 სკოლაში.საგანმანათლებლო პროგრამა საქართველოს მთავრობისა და დონორი ორგანიზაციების (CEB და NEFCO) მიერ ფინანსდება.
პროგრამის საერთო ღირებულება 300 მილიონ ლარზე მეტია.
