სჭირდება თუ არა ვაქცინა კოვიდგადატანილებს და ბავშვებს

ჯანდაცვის მინისტრის მოადგილის თამარ გაბუნიას განცხადებით, მათ, ვისაც კორონავირუსი გადატანილი აქვთ, ვაქცინა მაინც სჭირდებათ.

თუმცა, მისი თქმით, ვირუსის დადასტურებიდან ვაქცინაციამდე მინიმუმ 3 თვე უნდა იყოს გასული.

„პირველ ეტაპზე, ვისაც ახალი გადატანილი აქვთ დაავადება, ვაქცინაციას არ შევთავაზებთ, მათ ვაქცინის გაკეთება მოუწევთ სადღაც მე-2 - მე-3 კვარტალში“,- აღნიშნა თამარ გაბუნიამ.
რაც შეეხება ბავშების ვაქცინაციას, მინისტრის მოადგილის თქმით, საქართველოს ჯანდაცვის სისტემის გეგმის თანახმად, სამიზნე ჯგუფი განსაზღვრულია 18 წლის ზემოთ.

„ბავშვების შემთხვევაში „ფაიზერის“ ვაქცინა ამბობს, რომ 19 წლიდან ზემოთ არის რეკომენდირებული მისი გამოყენება, „ასტრაზენეკას“ შემთხვევაში მითითებულია 16 წლიდან და ზემოთ. ჩვენი გეგმის თანახმად სამიზნე ჯგუფი განსაზღვრულია 18 წლის ზემოთ, ანუ მოზრდილ მოსახლეობაზე ვსაუბრობთ.

ბავშვებში ვაქცინის ეფექტურობის შესახებ მონაცემები არ არსებობს, რადგან საკვლევ ჯგუფებში ამ ასაკის მოსახლეობა ჩართული არ ყოფილა. გადახედავს მწარმოებელი სავარაუდოდ თავის პროტოკოლს და ჩვენ შესაბამისად განვავრცობთ ამას სხვა ასაკობრივ ჯგუფებზე“, - განაცხადა თამარ გაბუნიამ.