საქართველოსთვის მედიკამენტების მთავარი საექსპორტო ბაზარი უზბეკეთია
2021 წელს საქართველოდან ექსპორტზე $99.1 მილიონის მედიკამენტი გავიდა.
მთავარი საექსპორტო ბაზარი უზბეკეთია, სადაც წამლების გაყიდვიდან მიღებულმა შემოსავალმა $46.5 მილიონი შეადგინა.
"ბიზნესპარტნიორისთვის" სტატისტიკის ეროვნული სამსახურის მიერ მოწოდებული მონაცემებით, $17.9 მილიონის მედიკამენტი გავიდა ექპორტზე აზერბაიჯანში, $8.5 მილიონის - სომხეთში. საექსპორტო ბაზრების ხუთეულში ბოლო ორ ადგილს რუსეთი და ყირგიზეთი იკავებს. რუსეთში ექსპორტიდან საქართველომ 2021 წელს $6 მილიონის შემოსავალი მიიღო, ყირგიზეთში გაყიდვებიდან კი - $4.7 მილიონი.
გასული წლის მონაცემები მნიშვნელოვნად არ განსხვავდება 2020 წლის მაჩვენებლებისგან. 2020 წელს მედიკამენტების ექსპორტით მიღებულმა შემოსავალმა $99.3 მილიონი შეადგინა. ბაზრის ლიდერი კვლავაც უზბეკეთი იყო.
რაც შეეხება წამლების ექსპორტიორ კომპანიებს, 2021 წლის TOP-20 სია ასე გამოიყურება:
შპს გეა
სს გეფა
შპს M-სერვისი
შპს ავერსი-რაციონალი
შპს ჯი-ემ-პი
შპს ავერსი-ფარმა
სს "ბიოფარმი"
შპს Natur Pharm
შპს ამბიენს
შპს ველგა ჰელტკეირ პროდაქტს
შპს აგენტა ფარმა
შპს ლუკექსპოჯორჯია
შპს ფარმექსიმი
შპს ფარმედ
შპს დენკ ფარმა საქართველო
შპს ოქსიგენი
შპს რენომედ ლოჯისტიკს
შპს ფულფარმი
შპს უნივერსალ თრეიდინგ
შპს საქართველოს ფარმაცევტული კომპანია
