საქართველოში Sinovac-ის გამოყენება შემდეგი კვირიდან იგეგმება

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, საქართველოში ჩინური წარმოების კოვიდვაქცინის, Sinovac-ის გამოყენება შემდეგი კვირიდან იგეგმება.

მისი თქმით, Sinovac-ით 18 წლის ზევით ასაკის პირები აიცრებიან. მას სხვა ვაქცინებთან შედარებით ნაკლები გვერდითი მოვლენები აქვს. პირველი ვაქცინაციიდან მეორე ვაქცინაციამდე შუალედი კი, 14-18 დღეა.

“ Sinovac მეორე ჩინური ვაქცინაა, რომელიც საერთაშორისო ასპარესზე გადის. თვითონ ჩინელებს Sinopharm-ის და Sinovac-ის გარდა სხვა ვაქცინებიც აქვთ, რომელსაც ეროვნულ დონეზე იყენებენ.

ჩინეთმა Sinovac-ის 100 000 დოზა გვაჩუქა, რომლის ადმინისტრირებაც ქვეყანაში მომავალ კვირაში იგეგმება. 100 000 დოზა 50 000 მოქალაქისთვის არის გათვალისწინებული. ველოდებით, რომ ეს ვაქცინა ჯანმოსგან ავტორიზაციას მიიღებს“, - აღნიშნა ამირან გამყრელიძემ.