საზოგადოება
11/02/2021
საქართველოში AstraZeneca-ს ვაქცინის 150 000 დოზა მარტის დასაწყისში შემოვა
საქართველოში AstraZeneca-ს კოვიდვაქცინას მარტის დასაწყისში შემოიტანენ.
ჯანდაცვის მინისტრის ეკატერინე ტიკარაძის განცხადებით, კოვიდვაქცინის 150 000 დოზას მარტის დასაწყისში შემოიტანენ.
„AstraZeneca-ს ვაქცინის ერთ-ერთ მომწოდებლად განსაზღვრული გვყავს კოვაქს პლატფორმა, სადაც განსაზღვრულია 300 000 დოზამდე ვაქცინის მიღება, დამატებით მიმდინარებს კომუნიკაცია პირდაპირ მწარმოებელთან, საიდანაც ჩვენ გვაქვს დასტური, რომ 150 000 დოზას ასევე მივიღებთ მარტის პირველ ნახევარში“,- აღნიშნა ეკატერინე ტიკარაძემ.
მისი თქმით, pfizer-ის კოვიდვაქცინის საქართველოში შემოტანა თებერვალს არ გადასცდება.
მინისტრის ინფორმაციით, კოვიდვაქციების მოწოდებას უზრუნველყოფს კოვაქსპლატფორმა, შესაბამისად ავიაკომპანიაზე გადაწყვეტილებასაც ისინი მიიღებენ.
