საზოგადოება
29/04/2021
საქართველო Sinovac-ის ვაქცინას დღეს მიიღებს
საქართველო “სინოვაკის“ ვაქცინის 100 000 დოზას ჩინეთისგან საჩუქრად დღეს მიიღებს. ამის შესახებ ჯანდაცვის მინისტრის მოადგილემ თამარ გაბუნიამ განაცხადა.
მისი თქმით, ჯანდაცვის მსოფლიო ორგანიზაცია “სინოვაკისთვის“ ავტორიზაციის მინიჭებაზე მაისის დასაწყისში იმსჯელებს.
“ავტორიზაციას დაველოდებთ. მისი გადავადების შემთხვევაში, ეპიდემიოლოგიური რისკების გათვალისწინებით, ვაქცინაციის საბჭო მისი გამოყენების პირობებზე იმსჯელებს.
“სინოვაკს“ დღეს ფართოდ იყენებს თურქეთი, ასევე აზერბაიჯანი, უკრაინა. “სინოვაკის“ შედეგები საკმაოდ კეთილსაიმედოა. ეფექტურობის თვალსაზრისითაც კარგი მონაცემებია. სიკვდილობის და მძიმე შემთხვევების განვითარების მაჩვენებელს მნიშვნელოვნად ამცირებს“,- აღნიშნა თამარ გაბუნიამ.
