საქართველო ივლისიდან Novavax-ს და  Johnson & Johnson-ს ელოდება

საქართველო ივლისიდან novavax-ის და  johnson & johnson-ის ვაქცინებს ელოდება. ამის შესახებ ჯანდაცვის მინისტრის მოადგილემ თამარ გაბუნიამ განაცხადა.

“რა თქმა უნდა კარგია, რომ ვაქცინაციაზე მოთხოვნა გაიზარდა. მობილიზაციაზე მუშაობა მიდის. ვფიქრობ, მოკლე დროში ჩვენ კიდევ დამატებით გვექნება “სინოფარმის“ დოზების მობილიზების შესაძლებლობა, “სინოვაკიც“ დაგვეხმარება. ასევე “კოვაქსიდან“ მოლოდინი გვაქვს, რომ ივლისიდან “ნოვოვაქსი“ და “ჯონსონი და ჯონსონი“ უნდა დაგვემატოს“, - აღნიშნა თამარ გაბუნიამ.

მისი ინფორმაციით, “სინოფარმის“ დამატებით დოზებს ივნისის დასაწყისიდან, შუა რიცხვებამდე მივიღებთ. საუბარია 350 000 დოზაზე, მათ შორის 100 000 დოზა წითელი ჯვრის მიერ ნაჩუქარია.