რუსეთ-საქართველოს 2008 წლის ომზე სტრასბურგის სასამართლო გადაწყვეტილებას დღეს გამოიტანს
რუსეთ-საქართველოს 2008 წლის აგვისტოს ომზე სტრასბურგის სასამართლო დღეს გამოიტანს გადაწყვეტილებას, - ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.
მისი თქმით, ეს გახდება ახალი ეტაპი ქვეყნის დეოკუპაციისთვის ბრძოლაში.
„დღეს საქართველოს უახლოეს ისტორიაში ერთ-ერთი ყველაზე მნიშვნელოვანი დღეა, რამდენიმე საათში ადამიანის უფლებათა ევროპული სასამართლო საბოლოო გადაწყვეტილებას მიიღებს საქმეზე საქართველო რუსეთის წინააღმდეგ. დღეს პირველად მიეცემა საერთშორისო სამართლოს მიერ შეფასება 2008 წლის რუსეთ-საქართელოს ომს.
ეს გადაწყვეტილება ჩვენი თანამოქალაქეების, იუსტიციის სამინისტროს თანამშორმლების 12 წლიანი შრომის შედეგი იქნება. დარწმუნებულები ვართ, ეს იქნება სამართლიანი გადაწყვეტილება.
გარდა იმისა, რომ ეს ჩვენი დაზარალებული მოქალაქეებისათვის კომპენსაციას ახდენს, რა თქმა უნდა ეს ძირითადად იქნება საფუძველი მათი ინტერესების შემდგომი დაცვისთვის საერთაშორისო დონეზე.
გარდა ამისა, ეს გადაწყვეტილება ჩვენ გვაკისრებს დამატებით ვალდებულებებს, როგორც მთავრობას და ყველას კარგად უნდა გვესმოდეს, უახლოეს პერიოდში უნდა გადავდგათ კონკრეტული ნაბიჯები ქვეყნის დეოკუპაციის მიმართულებით, ამ ნაწილში ჩვენ გვაქვს კონკრეტული გეგმა, რომელსაც მივყვებით და რომელსაც საზოგაოდებას უახლოეს პერიოდში გავაცნობთ“,- აღნიშნა გიორგი გახარიამ.
