საზოგადოება
24/08/2020
როგორი იქნება ახალციხეში სპორტული კომპლექსი, რომლის მშენებლობა 11,5 მლნ ჯდება
ახალციხეში თანამედროვე სპორტული კომპლექსი აშენდება.
კომპლესის მშენებლობაზე 11,5 მლნ ლარზე მეტი დაიხარჯება. კომპლექსის მშენებლობას აზიის განვითარების ფონდი აფინანსებს.
პროექტს მუნიციპალური განვითარების ფონდი ახორციელებს, სამშენებლო სამუშაოების შესყიდვაზე ტენდერი უკვე გამოცხადებულია.
კომპლექსის სამშენებლო სამუშაოები ითვალისწინებს დიდი და მცირე საცურაო აუზების, ტრენაჟორების, ძალოსნობის, კრივის და ჭიდაობის დარბაზების მშენებლობას. მოეწყობა გასახდელები და საშხაპეები, როგორც სპორტსმენებისთვის, ასევე მწვრთნელებისა და მსაჯებისთვის.
განთავსდება ღია კაფე, პატარა მაღაზია და საკონფერენციო დარბაზი. მოხდება კომპლექსის მიმდებარე ტერიტორიის კეთილმოწყობა. გათვალისწინებულია პარკინგი.
