საზოგადოება
18/02/2021
რამაზ საყვარელიძე: გიორგი გახარიამ დანის პირზე გავლა მეტ-ნაკლებად მოახერხა
ექსპერტი რამაზ საყვარელიძე გიორგი გახარიას კარგ მმართველად ახასიათებს.
როგორც მან „ბიზნესპარტნიორს“ განუცხადა, გიორგი გახარიამ კოვიდის პრობლემას თავი კარგად გაართვა, თან ისე, რომ ქვეყანის ეკონომიკას კურსი მეტ-ნაკლებად შეუნარჩუნდა.
„მან დანის პირზე გავლა მეტ-ნაკლებად მოახერხა. კარგად მოუარა კოვიდის პრობლემას, თან ისე, რომ მეტ-ნაკლებად შეუნარჩუნდა ეკონომიკას კურსი. მისი გადადგომა, ყველა ნიშნით მოსახლეობაში კრიზისის გამომწვევი იქნება. ეკონომიკური თვალსაზრისით იქნება თუ არა კრიზისი, ეს კიდევ გასარკვევია და პოლიტიკურად ბევრი რამ იცვლება ამ გადადგომით. ბიძინა ივანიშვილიც წასულია, გიორგი გახარიაც წავიდა, რაღა დარჩა?“- აღნიშნა რამაზ საყვარელიძემ.
ინფორმაციისთვის, გიორგი გახარიამ პრემიერ-მინისტრის თანამდებობა დღეს დატოვა.
